CANLLAWIAU I BLANT YSGOLION CYNRADD
Ffurflenni cystadlu ar gyfer Eisteddfod 21 Mehefin 2008
1. Rhaid i'r ffurflenni cystadlu fod i mewn erbyn Mai 24 2008.
2. Byddwch mor garedig ag amgau 2 gopi o gerddoriaeth y cystadlaethau cerddorol, ar gyfer y beirniad a'r cyfeilydd. Rhowch enw eich plentyn a rhif y gystadleuaeth ar y gerddoriaeth. Er mwyn peidio â thorri'r Ddeddf Hawlfraint, dylai'r copi gwreiddiol fod gyda chi, a gofynnir i chi nodi y byddwn yn dinistrir llungopïau ar ôl yr Eisteddfod.
3. Dychwelwch y ffurflenni trwy'r ysgol, ar lein neu at yr Ysgrifennydd (gw. isod).
Rhagbrofion
4. Ni fydd mwy na thri unigolyn neu grŵp yn cystadlu ar brif lwyfan yr Eisteddfod ym mhob cystadleuaeth.
5. Os oes mwy na thri unigolyn neu grŵp yn cystadlu, cynhelir rhagbrofion yn ystod yr wythnos cyn yr Eisteddfod, i benderfynu pa dri chystadleuydd fydd yn cystadlu ar y llwyfan.
6. Cynhelir y rhagbrofion ar ôl ysgol (gan ddechrau am 4.30) fel a ganlyn:
- Dydd Llun 16 Mehefin - cystadlaethau llefaru, Ysgol Gymraeg Y Fenni
- Dydd Mawrth 17 Mehefin - cystadlaethau lleisiol, Ysgol Llantilio Pertholau
- Dydd Mercher 18 Mehefin - cystadlaethau offerynnol, Ysgol Cantref
- Dydd Iau 19 Mehefin - cystadlaethau dawnsio, Ysgol Deri View
Cystadlaethau llwyfan
7. Cynhelir y cystadlaethau i blant cynradd yn Ysgol Brenin Harri'r VIII, Y Fenni, o 9.00 y bore tan tua 2.00 yr hwyr, y 21 Mehefin 2008.
8. Ni ddylai unrhyw eitem gymryd mwy na 3 munud. Os ydi'r eitem yn hirach na 3 munud, bydd y beirniad yn tynnu marciau i ffwrdd.
9. Gallwch gael copïau o gerddi addas ar gyfer dysgwr y Gymraeg o ysgol eich plentyn neu o Ysgrifennydd yr Eisteddfod, neu fe allwch chi ddewis cerdd drosoch eich hun.
10. Ennillir medal gan bob cystadleuydd sy'n cael llwyfan, ac arian gan enillwyr rhai cystadlaethau, yn cynnwys gwobrau Ted Waller i enillwyr y cystadlaethau piano, gwobrau (£10.00 yr un) i'r pedwar cystadleuydd gorau, a £50.00 i'r ysgol/grŵp buddugol yn y gystadleuaeth llefaru (rhif 15), rhodd gan y Dr a Mrs A. F. Bissell.
11. Gall arweinwyr grwpiau fod yn oedolion neu'n blant.
RHAID I BOB PLENTYN FOD DAN OFAL RHIANT NEU OEDOLYN CYFRIFOL ARALL YN YSTOD Y RHAGBROFION A'R EISTEDDFOD.
Costau mynediad a threfniadaeth
12. Rhoddir mynediad am ddim i bob plentyn i'r rhagbrofion a'r Eisteddfod.
13. Codir tâl mynediad o £2.00 i oedolion i'r rhagbrofion, sy'n cynnwys mynediad i Eisteddfod y plant dydd Sadwrn, neu £6.00 sy'n cynnwys mynediad i gystadlaethau'r oedolion yn Theatr y Bwrdeisdref gyda'r nos. Defnyddir yr incwm hwn i dalu costau, yn cynnwys medalau a chyhoeddusrwydd.
14. Trefnir yr Eisteddfod gan wirfoddolwyr; rhoddir croeso cynnes i aelodau newydd.
Cystadlaethau celf a llên Cyngor Tref Y Fenni
Rhoddir gwobrau ariannol i enillwyr 1af, 2il a 3ydd ym mlynyddoedd 1 & 2, 3 & 4 a 5 & 6.
CELF: Parêd y Carnifal
CERDD: Dathliadau
TRAETHAWD: Taith o gwmpas Y Fenni
Bydd manylion ar gael gan y Cyngh. D
Edwards, ffôn 01873 855161, douglasedwards@monmouthshire.gov.uk
Os oes unrhyw ymholiadau, cysylltwch â'r Ysgrifennydd, Chris Watson, 01873 853894 neu â Nicola Morris, 01873 858139. Gellir dychwelyd ffurflenni at C Watson, 117 Chapel Road, Y Fenni NP7 7BL, arlein (www.eisteddfodyfenni.co.uk) neu drwy'r ysgol.
Os hoffech dderbyn newyddion am Eisteddfod Y Fenni byddwch mor garedig â thanysgrifio i'n rhestr bostio. Ni rennir eich manylion â neb arall a gallwch newid neu ddileu eich enw unrhyw amser.
Warning: include(count/child-competition.php) [function.include]: failed to open stream: No such file or directory in /home/10385/eistedd/www.abergavennyeisteddfod.co.uk/public_html/cymraeg/child-competition.php on line 217
Warning: include() [function.include]: Failed opening 'count/child-competition.php' for inclusion (include_path='.:/usr/share/pear:/usr/share/php') in /home/10385/eistedd/www.abergavennyeisteddfod.co.uk/public_html/cymraeg/child-competition.php on line 217
© Abergavenny Eisteddfod Y Fenni . A Blind Lemon (web design)
